Presentación final (Carla)

-

Presentación sobre propostas da UE para a mellora da aprendizaxe e a ensinanza de linguas estranxeiras

A sesión do 20 de decembro estivo dedicada ás presentacións finais e a min tocoume presentar a miña con Carla. O tema estaba vinculado á política lingüística da Unión Europea e, en particular, ás propostas e programas que esta entidade presenta para fomentar ou mellorar a aprendizaxe e a ensinanza de linguas estranxeiras.

Persoalmente, escollín esta liña de investigación porque me pareceu moi interesante, xa que quería indagar nos programas que posúe a Unión Europea en materia de multilingüismo, co obxectivo de comprobar cales eran as súas aportacións máis significativas e, ao mesmo tempo, analizar que melloras se poden introducir. Dado que a UE estableceu o MCER como unha ferramenta común para describir as competencias lingüísticas, tamén me parecía útil descubrir que directrices se proporcionaban para o deseño de programas educativos centrados no desenvolvemento de competencias lingüísticas.

Deste xeito, a medida que ía avanzando na investigación, decateime de que existían moitas máis propostas das que imaxinaba, aínda que tamén me din conta de que os obxectivos que se pretenden acadar están moi lonxe de conseguirse. De todos os xeitos, foi un traballo que me permitiu descubrir proxectos innovadores e útiles á hora de mellorar a calidade do ensino de linguas, polo que me gustaría seguir informándome para participar nalgún deles nun futuro.

A continuación, compártovos a miña presentación, que resume os contidos principais que guiaron a investigación. Porén, gustaríame remarcar que nalgunhas diapositivas dispoñedes de etiquetas con información adicional e documentos que vos poden resultar de interese (guías dos programas, aspectos relevantes, vídeos explicativos…).

Espero que vos sexa útil e que vos animedes a compartir a vosa opinión sobre o tema. No debate posterior á presentación, estivemos falando de futuras melloras que se poden realizar; da imposibilidade de conseguir que os cidadáns da UE posúan un bo coñecemento de dúas linguas á parte da súa lingua ou linguas maternas; do descoñecemento que existe sobre a maioría de programas; de métodos de reflexión como o Linguistically Sensitive Teaching, etc. Que opinades vós sobre estes temas?

Tedes alguna experiencia con algún programa como Erasmus + que vos gustaría compartir?

 

 


Comentarios

Publicar un comentario

Entradas populares de este blog

Tema 11 didáctica: A avaliación na aula de linguas estranxeiras

-
Imagen
 A avaliación na aula de linguas estranxeiras No tema 11 da materia de Didáctica da Ensinanza das Linguas Estranxeiras, abordamos a avaliación na aula de linguas estranxeiras e prestamos atención ao uso de rúbricas e á importancia de distinguir entre avaliación inicial, formativa e final. Durante as sesións, traballamos con distintas ferramentas e comprobamos que a avaliación non se pode desligar da docencia, así que será interesante compartirvos as principais aprendizaxes do tema. Primeira sesión: Na primeira sesión, falamos de distintos instrumentos de avaliación, pero centrámonos nas rúbricas de avaliación para a expresión oral e escrita, polo que afondamos nas características que estas deben posuír (teñen que reflectir os obxectivos de aprendizaxe e contar con criterios observables e distinguibles, situados nunha escala que describa a actuación do alumnado). Porén, alén desta exposición teórica e da reflexión, tivemos que aplicar a teoría á práctica por grupos, a través do ...
Leer más

Tema 5: O deseño curricular base para as linguas estranxeiras (Gonzalo)

-
Imagen
Ola de novo a todos e a todas! Nesta entrada, expoñereivos as miñas reflexións e opinións sobre o tema 5 da materia As Linguas Estranxeiras no Contexto Español e Internacional, co obxectivo de analizar as competencias adquiridas e presentar os resultados das actividades e traballos realizados. Antes de comezar, é preciso subliñar que o tema estivo organizado en tres sesións e se centrou, principalmente, no deseño curricular base para as linguas estranxeiras. Non obstante, o docente adoptou un enfoque e unha metodoloxía distinta en cada unha delas, así que participamos en diversas actividades que nos permitiron abordar os aspectos clave do deseño curricular, a organización das ensinanzas de idiomas de réxime especial e o papel das linguas estranxeiras nos currículos da Educación Secundaria Obrigatoria, o Bacharelato e a Formación Profesional. Na primeira sesión, comezamos cunha presentación da materia para familiarizarnos cos obxectivos, os contidos e a metodoloxía de avaliación, unha...
Leer más

Tema 6: As programacións didácticas vixentes (Gonzalo)

-
Imagen
 As programacións didácticas vixentes O tema 6, que versa sobre as programacións didácticas vixentes, desempeñou un papel fundamental á hora de actualizar, asimilar e acomodar coñecementos relativos ás programacións didácticas. Non obstante, tamén nos permitiu ampliar o noso coñecemento en relación aos procesos selectivos que proporcionan acceso á función pública docente. De feito, na miña opinión, foi un tema moi útil porque nos proporcionou información de interese para o noso futuro.                En canto á organización das sesións, só puidemos dedicarlle a sesión do once de decembro, pero aínda así tivemos tempo de comentar todos os aspectos relevantes. Para comezar, o docente dedicou a primeira parte da sesión a explicarnos a normativa sobre as oposicións, que se dividen nunha fase de concurso (40 %) e noutra de oposición ( 60 % ). Dentro desta explicación, pareceume interesante que puidésemos comentar o baremo que se emprega para ...
Leer más